नवीन आमदारांना लोक आमदार म्हणत नाहीत अजूनही मलाच आमदार म्हणतात कारण आम्ही जनतेची तेवढी कामे केली आहेत. आम्ही स्वतःला आमदार म्हणू नका भाषणामध्ये सांगतो तरी लोक प्रेमाने आमदार म्हणतात. नवीन आमदारांनी एक वर्षात किती निधी आणला व काय कामे केली हे जनतेला सांगावे. अशी टीका उमरग्याचे आमदार प्रवीण स्वामी यांच्या उमरगा नगर परिषदेच्या सभेतील भाषणाचा समाचार घेताना माजी आमदार ज्ञानराज चौगुले यांनी पत्रकार परिषदेत केली.
शिवसेना काँग्रेस लहुजी शक्ती सेना रयत क्रांती व मित्रपक्ष शहर विकास पॅनलच्या वतीने प्रसिद्ध करण्यात आलेल्या “वचननामा” प्रकाशन व पत्रकार परिषदे दरम्यान पत्रकारांशी संवाद साधताना त्यांनी सांगितले. यावेळी माजी खासदार रवी गायकवाड, शिवसेना नगराध्यक्ष पदाचे उमेदवार किरण गायकवाड, माजी कृषी सभापती जितेंद्र शिंदे, काँग्रेसचे विजय दळगडे, शिवसेना जिल्हाप्रमुख मोहन पनोरे, काँग्रेसचे तालुकाप्रमुख अर्जुन बिराजदार, नानाराव भोसले, शिवसेना तालुकाप्रमुख बळीमामा सुरवसे, सुप्रिया घोडके, राहुल शिंदे, स्वाती स्वामी, सचिन जाधव , सोनकांबळे अश्विनी, धनंजय मुसांडे, यल्लमा विभूते, बशीर शेख, शबाना लदाफ, पंढरीनाथ कोणे, अनिल सूर्यवंशी, सुषमा पाचंगे, जानवी कोथिंबीर, ज्ञानेश्वर पाटील, विशाल कानेकर, फातिमा औवटी, विजय वाघमारे जमशादबी शेख, प्रिया पवार, मुस्तफा चौधरी, मुजावर फरहीन, बाबा मस्के, अभिजीत मोरे, रेखा सूर्यवंशी, आरती शिंदे आदी उपस्थित होते.
शिवसेना काँग्रेस व मित्र पक्षाच्या उमेदवारांच्या शहर विकास पॅनलचा प्रचार फेरीचा पहिला टप्पा पूर्ण झाल्याची माहिती यावेळी देण्यात आली.
किरण गायकवाड यांनी शहरांमध्ये करण्यात येणारी विकास कामे रस्ते कचरा प्रश्न ,भाजी मंडई, ट्राफिक चांगले इन्फ्रास्ट्रक्चर, लाईटचे प्रश्न, खेळाडूंसाठी क्रीडांगणे, पाणीपुरवठा, स्कायवॉक, मुख्य रस्त्यावर नियोजनबद्ध पार्किंग, नागरिकांच्या सुरक्षेसाठी सीसीटीव्ही कॅमेरे, आरोग्य केंद्र आदी विषयांचा समावेश असलेला जाहीरनामा यावेळी सादर केला. तसेच उमरगा शहरासाठी उभारण्यात येणारा निधी याबाबत रोड प्लॅन देखील यावेळी मांडण्यात आला.
माजी खासदार रवी गायकवाड म्हणाले, जनसामान्यांमध्ये काम करायची आमची प्रवृत्ती आहे त्यामुळे आमचे सर्व नगरसेवक निवडून येतील. तसेच नगरसेवक जनतेच्या सेवेत राहतील याची काळजी देखील आम्ही घेऊ. माजी आमदार चौगुले यांनी उमरगा शहरासाठी आणलेला निधी व केलेली कामे जनता विसरलेली नाही यामुळे आजही जनता त्यांना आमदार म्हणते.
महायुती मधील घटक पक्षांना सोबत घेऊन जाण्याचा शेवटपर्यंत प्रयत्न केला परंतु पुढून फारसा योग्य प्रतिसाद मिळाला नाही. अखेर उमरगा शहराचा विकास एकत्रित येऊन विचार करणाऱ्यांच्या सोबत आम्ही गेलो आहोत. जिल्हा परिषद व पंचायत समितीच्या निवडणुकांमध्ये देखील पुढून कसा प्रतिसाद येतो त्याप्रमाणे ठरवू आम्ही सुद्धा कमी नाही आम्हीदेखील गेले अनेक वर्ष पक्षाच्या माध्यमातून प्रतिनिधित्व केले आहे असे माजी खासदार रवी गायकवाड यांनी पत्रकारांच्या प्रश्नाला उत्तर देताना सांगितले.
माणसाचा इतिहास कसा आहे हे बघून भविष्य घडवतात आणि आमचा इतिहास उमरगा तालुक्याने पाहिला आहे व तो चांगला आहे. किरण गायकवाड यांनी कोरोना कालावधीत केलेली उमरग्याचे सेवा लोक विसरणार नाहीत. त्यामुळे उमरग्याची जनता शिवसेना काँग्रेस व मित्र पक्षांच्या पाठीशी नक्की राहील असा विश्वास यावेळी माझे आमदार चौगुले यांनी व्यक्त केला.
यावेळी काँग्रेस पक्षाचे विजय दळगडे, जितेंद्र शिंदे यांनी यावेळी पक्षाच्या भूमिका व पत्रकारांनी विचारलेल्या प्रश्नांना उत्तरे दिली. यावेळी शिवसेना काँग्रेस लहुजी शक्ती सेना रयत क्रांती तसेच मित्र पक्षाचे महत्त्वाचे पदाधिकारी व कार्यकर्ते यावेळी उपस्थित होते.
